अन्तरिक्षको गहिराइमा पुगेर ब्रह्माण्ड निर्माणबारे विवाद सुल्झाउन वैज्ञानिकहरु एक कदम अघि बढेका छन् । युरोपियन स्पेस एजेन्सीद्वारा छाडिएको हसे्रल स्पेस अब्जर्वेटरीमा जर्डान गरिएको स्पायर नामको उपकरणले १२ अरब वर्ष पहिलेको अवस्थालाई स्मरण गराउने तस्बिर खिच्न सफल भएको छ । करिब १३ अरब वर्षअघि सूर्य विस्फोट भएको अनुमान गरिएको छ । त्यसको तुरुन्तै आकाशगंगाको निर्माण भएपछि ब्रह्माण्ड बन्न थालेको हो । स्पायरद्वारा खिचिएको तस्बिरले यो रहस्य खुलाउने अपेक्षा गरिएको छ । स्पायर अर्थात् स्पेक्ट्रल एन्ड फोटोमिटि्रक इमेजिङ रिसिबरले खिचेको तस्बिरबाट ब्रह्माण्ड निर्माणबारे उत्पन्न विवादलाई समाधान गर्न सफल हुने विश्वास गरिएको छ । स्पायरले खिचेको तस्बिरबारे यतिबेला खगोलविद्हरु अध्ययनमा जुटेका छन् । यी तस्बिरको अध्ययनपछि तारा र ब्रह्माण्ड निर्माणबारे छिट्टै नयाँ तथ्य सार्वजनिक हुने अपेक्षा गरिएको छ ।