मीना पुन राष्ट्रिय जनमोर्चाबाट संविधानसभामा प्रतिनिधित्व गर्ने सभासद् हुन् । यो दल खिइँदै गए पनि संघीयताविरोधी अभियानमा लागेपछि बेग्लै परिचय बनायो । मूलनीतिमा असहमत हुँदै अवसरवादीहरु छुट्टिएर जानु कम्युनिस्ट पार्टीमा स्वाभाविक प्रकि्रया भएको पुनले बताइन् । ँमहिला अधिकारका नाममा परम्परागत संस्कारलाई छुट दिने हो भने निकट भविष्यमा यहाँका रैथानेहरु नै अल्पमतमा पर्ने सम्भवना छ� उनले भनिन् । पार्टी पार्टी नीति र घरपरिवारबारे कुमार राउतसँग भएको कुराकानीको सारसंक्षेप यस्तो छ-
० तपाईंहरुको पार्टी त खिइँदै गइसक्यो नि ?
- कम्युनिस्ट पार्टीहरु फुट्नेक्रम जारी छ । पार्टीको विचारमा असहमत राख्ने अवसरवादीहरु छुट्टिएर जान्छन् । तपाईंले भनेजस्तो हाम्रो पार्टी घट्दै गएको चाहिँ सत्य हो ।
० यसरी त बिलाउने भो नि जनमोर्चा ?
- मान्छे सीमित भए पनि हाम्रो पार्टीले विशाल वर्गको प्रतिनिधित्व गरेको छ । शोषक वर्गको नेतृत्वबाट जनताले मुक्ति पाउँदैनन् भन्ने हाम्रो ठहर छ । त्यसका लागि कम्युनिस्टकै सरकार हुनुपर्छ ।
० कस्तो कम्युनिस्ट शासन ?
- छिमेकी राष्ट्र भारत र चीनमा हेर्नुहोस् न । भारत र चीनको आर्थिक प्रगतिसँग दाँज्न मिल्छ
० नेपालमा सरकार र प्रतिपक्षी पनि कम्युनिस्ट नै छ नि ?
- सरकारमा गए पनि प्रतिपक्षीमा बसे पनि उनीहरुले देशको परिवर्तन गर्न सक्दैनन् । अहिलेसम्म गर्नसकेका पनि छैनन् ।
० तपाईंहरु महामन्त्री कहिले पनि फेर्न सक्नुहुन्न ?
- आवश्यकताअनुसार परिवर्तन भइरहेको छ । अरु कम्युनिस्ट पार्टीले महाधिवेशन गर्न नसकेको अवस्थामा हाम्रो पार्टी त लोकतान्त्रिक ढंगले अघि बढेको छ ।
० कुन जिल्लाको प्रतिनिधित्व गर्नुहुन्छ ?
- बागलुङ दुधिलाभाटी मेरो घर हो ।
० कस्तो परिवारमा हुर्किनुभयो  ?
- सामान्य खेतीकिसान परिवार हो । दुई दिदीबहिनी र चार दाजुभाइ छौं ।
० अध्ययन नि ?
- स्थानीय विद्यालयमा प्राथमिक शिक्षा र आईएसम्मको अध्ययन बागलुङको महेन्द्र बहुमुखी क्याम्पसमा गरें ।
० त्यसभन्दा अगाडि नि ?
- पार्टीको कामले गर्दा व्यस्त भइयो । त्रिचन्द्रमा भर्ना त गरेकी थिएँ तर पढाइ अगाडि बढाउन सकिनँ ।
० परिवारमा अन्य सदस्यको अध्ययन ?
- खासै छैन । एउटा भाइ भारतीय सेनामा छ भने एउटा भाइले आईएसम्मको अध्ययन गरेको छ ।
० अहिलेको परिवारिक अवस्था ?
- दाजुभाइ वैदेशिक रोजगारमा गएपछि सामान्यतः आर्थिक हैसियतमा परिवर्तन भयो ।
० विवाह नि ?
- ०५६ सालमा अन्तरजातीय गरेकी हुँ ।
० त्यसोभए पे्रम विवाह रहेछ होइन ?
- पार्टीका साथीले प्रस्ताव ल्याए वर्षदिनसम्म विचार गरियो अनि विवाह भयो ।
० विवाहमा पाहुना नि ?
- प्रमुख चित्रबहादुर केसी हुनुहुन्थ्यो । त्यसपछि डा। ओम गुरुङलगायतका हुनुहुन्थ्यो ।
० हुनेवाला श्रीमान् के गर्नुहुन्थ्यो  ?
- पत्रकारिता क्षेत्रमै हुनुहुन्थ्यो । उहाँको नाम रघुनाथ पौडेल हो ।
० बाहुनको घरमा एटजस्ट हुन अप्ठ्यारो भएन ?
- त्यति गइरहनुपर्दैन । गएका बेला पनि मैले छोएको खाँदैनन् ।
० विभेद गरेको महसुस हुँदैन  ?
- मैले छोएको नखाए त ठीकै थियो । अन्य दाजुभाइका छोराछोरीजस्तै मेरो छोरालाई अलग व्यवहार गर्दा चाहिँ दुःख लाग्यो ।
० कति छन् छोराछोरी  ?
- एउटा छोरा हो ।
० के नाम राख्नुभयो ?
- योगान्तर पौडेल ।
० तपाईंको थर त जोडिएन छ नि ?
- जात लेखिरहनु नपर्ने नाम खोजी गरेका थियौं । यही जुर् यो त्यही राख्यौं ।
० खाना कसले बनाउँछ ?
- जो फुस्रद छ उसैले बनाउने हो । प्रायः दुवै मिलेर बनाउँछौं ।
० घर झगडा कतिको पर्छ ?
- ठूलो झगडा होइन सामान्य कुरामा केही असहमति हुँदा फरक विचार राख्ने छुट सबैलाई हुन्छ ।
० श्रीमान्को विशेष खानाको रोजाइ के हो नि ?
- आलुको परिकार दही दूध घिउ ।
० मादक पदार्थ नि  ?
- उहाँले स्वाद लिएको अहिलेसम्म थाहा भएन । मैले चाहिँ एकपटक प्युठानमा भाती जाँडको स्वाद लिएको छु ।
० संविधानसभामा कुन समितिमा हुनुहुन्छ ?
- संवैधानिक समितिको स्वरुप निर्धारण समितिमा ।
० स्वरुपकै ढिलो निर्धारण गर्नुभयो भनिन्छ नि ?
- होइन । हामीले समयमै काम फत्ते गरेका थियौं । संवैधानिक समितिलाई बुझाउन चाहिँ केही समय लाग्यो ।
० समाजमा महिला पीडित छन् ?
- हो राज्य र समाज दुवैतिरबाट महिला पीडित छन् ।
० कसरी ?
- राज्यले कानुन बनाएर महिलाविरुद्ध विभेद गरेको छ भने समाजले संस्कृतिको नाममा उत्पीडन गरेको छ ।
० के गर्दा विभेद हट्छ  ?
- एनजीओ आईएनजीओहरु पुरुषलाई गाली गर्दा समाजमा विभेद हट्छ अथवा सम्पूर्ण दोष पुरुष हुन् भन्ने किसिमको प्रचारात्मक अभियानमा छन् । कानुनमा बलियो र समाज परिवर्तनको चेतना अभिवृद्धि गर्नुपर्छ ।
० संविधानमा उल्लेख भएको कुरा पर्याप्त छैन  ?
- छैन भन्न हुँदैन केही उल्लेख्य सुधार त भएकै छ । जस्तो सम्पत्तिमा अधिकार आमाको नाममा नागरिकतालगायत कुरा संविधानमा समेटिएको छ । विडम्बना अहिलेसम्म एउटा पनि कार्यान्वयन भएको छैन ।
० महिलाका लागि नयाँ संविधानले के गर्नुपर्छ  ?
- हरेक क्षेत्रमा समान अवसर आर्थिक सामाजिक र राजनीतिमा महिलाको पहुँच बढाउने व्यवस्था गरिनुपर्छ । व्यवस्थामात्र होइन कडाइका साथ लागू हुनुपर्छ ।
० त्यसोभए ज्वाइँले पनि नागरिकता पाउने भयो होइन  ?
- कुनै सवालमा महिलाप्रति विभेद नहोस् भन्ने हो । तर यो संवेदनशील व्यवस्था हो । यदि यस कुरामा ध्यान पुर् याइएन भने कुनै पनि बेला नेपालकै मान्छे अल्पमतमा पर्न सक्छन् ।
० तपाईंहरु त संघीयता विरोधी हुनुहुन्छ होइन  ?
- सैद्धान्तिक रुपमा हामीले यसको विरोध गरेका छैनौं । यो शासन गर्ने विधिमात्र हो । व्यावहारिक हिसाबले यो नेपालमा सफल हुँदैन भनेका हौं ।
० किन नि ?
- यसको धेरै व्याख्या हुनसक्छ । छोटकरीमा भन्दा आर्थिक जाति भाषिक र धार्मिक हिसाबले यो नेपालमा सम्भव छैन ।
० यी कारणले संघीयता असफल भएको विश्वमा उदाहरण छ  ?
- धेरै उदाहरण छन् । जातिगत हिसाबले कुरा गर्नुहुन्छ भने नाइजेरियालाई लिन सकिन्छ । तीनवटा संघीयताबाट सुरु भएर यतिबेला ३७ राज्य बनिसक्यो । नेपालमा एक सय एक जाति छन् । जातिको छुट्टै राज्य बनाउने आधार किन तयार गर्ने अहिले
० नेपालमा संघीयता काम छैन  ?
- संघीय व्यवस्था नेपाली जनताको चाहना होइन । ०६२�६३ को जनआन्दोलनले संघीयता मागेको थिएन । यो विदेशीले उचालेर बनाइदिएकोमात्र हो । यसले राष्ट्रिय अखण्डता बचाउन मुस्किल पर्छ ।
० तपाईंको सानो पार्टीको कुरो कसले सुन्छ ?
- सानो पार्टीले उठाएको कुरो भए पनि ठूलो समर्थन प्राप्त भइरहेको छ ।