नेपाल भ्रमणमा रहेका राष्ट्रसंघीय राजनीतिक मामिलाका उप-महासचिव बि. लिन पास्को माओवादी लडाकुको शिविर निरीक्षण गर्न आज दिउँसो चितवनको शक्तिखोरमा जाँदैछन्। नेपालको शान्ति प्रक्रियाको विद्यमान स्थितिको समीक्षा गर्न उनी बुधबार नेपाल आएका थिए।
पास्को दिउँसो १ बजेभित्र शक्तिखोर पुग्ने नेपालस्थित राष्ट्रसंघीय मिसन
अन्मिनका वरिष्ठ सञ्चार अधिकृत कसमस विश्वकर्माले नागरिकन्युजलाई बताए।

शक्तिखोरबाट फर्किएपछि उनले आजै एमाले अध्यक्ष झलनाथ खनाल र मधेसवादी दलका नेताहरुसँग छलफल गर्ने कार्यक्रम रहेको उनले जानकारी दिए।

भोलि न्युयोर्क फर्कनुअघि उनले रक्षामन्त्री विद्या भण्डारी र प्रधानसेनापति छत्रमानसिंह गुरुङसित भेट गर्ने कार्यक्रम छ।