नेपाल ललितकला मञ्चले मुलुकभरका ललितकलाकर्मीलाई एकजुट गर्दै विभिन्न क्षेत्रमा कार्यसमिति गठन गर्नेक्रममा पूर्वाञ्चल क्षेत्रीय कार्यसमिति गठन गरेको छ ।

पूर्वाञ्चलका कलाकार एवम् पूर्वाञ्चल युवा कला केन्द्रका संरक्षक कर्ण मास्के र कला मञ्चका केन्द्रीय अध्यक्ष शान्तकुमार राईको उपस्थितिमा गठन गरिएको समितिका अध्यक्ष जीवनाथ पाखरेल, उपाध्यक्षमा कृष्ण जोशी, सचिवमा महेन्द्र राई, उपसचिवमा चुमिन हाङ, कोषाध्यक्षमा सरोजा खड्गी, सहकोषाध्यक्षमा मञ्जु उदास तथा सदस्यहरुमा देवलकुमार राई, जीवन पौडेल, हेमन्त थापा, सुशील शाक्य, आइस्था राई, श्याम ठकुरी, मिलन राई, पवन राजवंशी, अरबिन सुब्बा, मञ्जु राई, बिगेन राई र मञ्जुल मितेरी रहनुभएको छ ।

भेलाले वरिष्ठ कलाकार गोपालकला प्रेमी, रमेश खनाल र कर्ण मास्केलाई सल्लाहकारमा राख्ने निर्णयसमेत गर्‍यो ।

समितिले पूर्वाञ्चलभरिका चित्रकार, मूर्तिकार, लोककलाकारलाई एकै थलोमा ल्याएर एकजुट गर्दै निकट भविष्यमा धरान, विराटनगर, झापा र काठमाडौँमा बृहत् प्रदर्शनी, कार्यशाला गर्ने निर्णय गरेको छ ।