पूर्वपश्चिम राजमार्ग अन्तर्गत नवलरासीको दाउन्नेमा आज भएको सवारी दुर्घटनामा परेर चारजनाको मृत्यु भएको छ भने २० जना घाइते भएका छन् । घाइतेमध्ये १० जनाको अवस्था गम्भीर रहेको प्रहरीले जनाएको छ  ।

काठमाडौँबाट धनगढीतर्फ गइरहेको ना.२ ख ६९५० नम्बरको बस तीव्र गतिका कारण माकर-४ दाउन्नेको बाँसखोला बतासे भन्ने स्थानमा दुर्घटनाग्रस्त भएको थियो ।  दुर्घटनामा मृत्यृ हुनेमा नयाँ बेलानी अरुणखोला बस्ने ४२ बर्षीय जगन्नाथ भण्डारी, बर्दिया सानोश्रीका अस्मीता मार्केटिङका प्रोपाराईटर २८ बर्षीय सुधनकुमार रिजनल र गुल्मी अर्नाङकोटका ५५ बर्षीय परशुराम सापकोटा र नाम खुल्न नसकेका एक छन् ।

घाइते हुनेहरुमा बाँके नौबस्ताका १३ बर्षीय सिताराम थारु, बाँके बनकट्टाका २४ बर्षीय जयप्रकाश थारु, नवलपरासी नयाँ बेलहानीका ५४ बर्षीय सरस्वती श्रेष्ठ, स्याङ्जा दुर्भुङका १८ बर्षीया सविता ठकुरी र सोही ठाउँ बस्ने २५ वषिर्य पुरन ठकुरी रहेका छन् ।

यसैगरी, कञ्चनपुर महेन्द्रनगर नगरपालिकाका ४० बर्षीय गगनसिंह धामी, बझाङ बडहारीका २५ बर्षीय जहिर बहादुर सिंह, कपिलवस्तु गोरुसिंगेका ३६ वषर्ीय माया अधिकारी, सोही ठाउँ बस्ने ४० वषर्ीय भुण्टे कुँवर, सोही ठाउँका १२ बर्षीय माईकल कुँवर, सोही ठाउँका ११ वषर्ीय कृष्ण अधिकारी, नवलपरासी रजहरका ८९ बर्षीय नारायणदत्त पौडेल गम्भीर घाइते हुनुभएको छ ।

गम्भीर घाइतेहरुको बुटवलमा उपचार भइरहेको छ भने सामान्य घाइतेहरुको बर्दघाटस्थित दाउन्ने पोलिक्लिनिकमा उपचार भइरहेको छ ।