नेपाली काङ्ग्रेस संसदीय दलको सोमबार बसेको बैठकले स्पेशटाईम नेटवर्क प्रालिका अध्यक्ष जमिम शाहको हत्याको घोर भर्त्सना गर्दै हत्यामा संलग्न हत्याराहरुको पहिचान गरी  कारवाही गर्न माग गरेको छ ।

शाहको अज्ञात समूहले आइतबार गोली हानी  हत्या गरेको थियो ।
साथै बैठकले नयाँ संविधान निर्माण गर्नुपूर्व एकीकृत नेकपा माओवादीका लडाकूहरुको हतियार व्यवस्थापन भैसक्नुपर्ने, लडाकूहरुको हतियार व्यव्ास्थापन गरेर मात्र शान्ति प्रक्रियाले पूर्णता पाउने विषयमा छलफल भएको संसदीय दलका सचेतक कमला पन्तले जानकारी दिनुभयो ।

उहाँले पार्टीका तर्फबाट सरकारमा सहभागी मन्त्रीहरुको कार्यसम्पादन अझ प्रभावकारी बनाउन निर्देशन समेत दिएको जानकारी दिनुभयो ।

शान्ति सुरक्षाको अवस्थाका बारेमा पनि गम्भीर रुपमा बैठकमा छलफल भएको र गृहमन्त्रीले तीनवटै सुरक्षा निकायका प्रमुखहरुलाई लिएर चीन्ा भ्रमणमा गएकोमा सरकारको ध्यानाकर्षण गराइएको  सचिव पन्तले बताउनुभयो ।