विश्वको कुनाकुप्चामा रहेका नेपालीलाई सत्य, तथ्य, निष्पक्ष र स्वतन्त्र सामग्री पस्किएर साझा चौतारी निर्माण गर्ने नेपाल बि्रटेन डटकमको उद्देश्य हो । यो उद्देश्य पूरा गर्न नेपाल बि्रटेन डटकमले चार बर्ष अघि अगस्ट ४ तारिकमा यात्रा प्रारम्भ गरेको थियो । अर्थात् अगस्ट ४ लाई नेपाल बि्रटेन डटकम यात्रा प्रस्थानविन्दूको रुपमा लिन्छ । यस सुखद अवसरमा विश्वभरि छरिएर रहेका समस्त पाठक वर्ग, शुभेच्छुक, सहयोगी, विज्ञापनदाताप्रति हामी कृतज्ञ छौं ।

हाम्रो यो चौथो वर्षको यात्रा अझ सशक्त र प्रभावकारी रुपमा अगाडि बढाउने प्रण गर्दछौं । सञ्चार मानव जीवनको अभिन्न अङ्ग बनिसकेको छ । एक्काइसौं शताब्दीको सूचना प्रविधिसम्बन्धी उपहारलाई प्रयोग गर्ने नेपालीको संख्या पनि दिनानुदिन बढ्दो छ । यस्तो परिप्रेक्ष्यमा सूचना प्राप्त गर्नु मानवको नैसर्गिक अधिकार पनि बनिसकेको छ । यही सन्दर्भमा हाम्रो नेपाल बि्रटेन डट्कम् विश्वका नेपालीको ताजा खबर समेट्दै सञ्चालित छ । यो अभियान तपाईको आवाज तपाईलाई पस्कने प्रयत्न हो र आवाज बिहीनहरुको आवाज बन्ने प्रयास हो ।

यो यात्राको दर्बियानमा हामीले लाखौलाख नेपालीको माया र सद्भाव पाएका छौं । यस यात्रामा हामीले बेलायतममा अनलाइन मिडिया आफ दी यरको अवार्ड समेत जित्न सकेयौ । गैरआवासयीय नेपालीहरुले दिएको सम्मान नै हाम्रो पुँजी हो, गौरवको विषय हो । अबका दिनमा थप माया र विश्वास प्राप्त हुने अपेक्षा गरेका छौं । नयाँ समयको चुनौती र मागलाई मध्यनजर गरी प्रभावकारी र सशक्त सामग्रीहरु पस्किने प्रण गर्दछौं ।

प्रारम्भदेखि नै हाम्रो अनलाइन पत्रिकामा लेख, रचना, समाचार, विज्ञापनलगायत विविध सामग्री उपलब्ध गराउने महानुभावहरुप्रति आभार प्रकट गर्दै सहृदयी पाठकहरुलाई धन्यवाद दिन चाहन्छौं । यस बीचमा सुझाउ र सल्लाह दिने महानुभावहरुप्रति पनि हामी नतमस्तक छौं ।
निश्चय नै प्रवासमा रहेर नेपाल र विश्वभरका नेपालीहरुको गतिविधि समेटेर पत्रिका सञ्चालन गर्नु अझ त्यसमा पनि अनलाइन पत्रिका सञ्चालन गर्नु सहज यात्रा पक्कै पनि होइन । देशविदेशमा पलपलमा भइरहेको महत्वपूर्ण र ऐतिहासिक परिवर्तनहरुलाई अनलाइन समाचारका रुपमा प्रस्तुत गर्दा कतिपय अवस्थामा कमीकमजोरी रहने सम्भावना पनि त्यत्तिकै प्रवल रहने गर्दछ ।

त्यसबाट हामी पनि कतिपय घटनामा अछुतो रहेनौं होला तथापि कमी कमजोरीलाई पन्छाउादै सुधारको पथका लाग्ने प्रण गर्दछौं । सदैव रचनात्मक सल्लाह र सुझावको अपेक्षा पनि गरेका छौं ।
अनगिन्ती अनलाइनहरुको माझमा सबैको सहयोगमा नेपाल बि्रटेन डट कमलाई स्थापित गराउन चुनौतीपूर्ण क्षणहरुमा सहयोग गर्ने सबैसाग पुन आभार व्यक्त गर्दै आगामी दिनमा तपाई पाठकहरुकै रुची र आवश्यकताअनुसार अघि बढ्ने प्रतिवद्धताका साथ सबैमा हार्दिक धन्यवाद ज्ञापन गर्दछौं ।