नेपाली कांग्रेसका शक्तिशाली नेता खुमबहादुर खड्का संविधानसभा भंग गर्नुपर्छ भन्ने धारणा राखेर फेरि चर्चामा हुनुहुन्छ । पार्टी कार्यकर्तामाझ लोकपि्रय कर्मठ जुझारु र क्रान्तिकारी नेता खड्का कांग्रेसको बाह्रौं महाधिवेशनमा सभापति या महामन्त्री पदमा उठ्ने भन्नेबारे छलफलमा व्यस्त हुनुहुन्छ । माओवादीसँग तिखो असहमति राख्दै आएका नेता खड्का दुईपटक गृहमन्त्री भइसक्नुभएको छ ।

नेपाली कांग्रेस अब कसरी अघि बढ्छ ?
भविष्यमा पनि कांग्रेस बीपीकै समाजवादी विचार मानेर अघि बढ्छ । अहिले कता कता विचारबाट भड्किएको जस्तो देखिएको छ । यसलाई ट्रयाकमा ल्याउनुपर्छ । आगामी बाह्रौं महाधिवेशनमा सभापतिका उम्मेदवार साथीहरु कस्तो नीति लिएर आउनहुन्छ त्यसबाटै सबै कुराको निक्र्योल हुन्छ । 
कांग्रेस महाधिवेशनमा तपाईं कुन पदमा लड्दै हुनुहुन्छ ?
अहिले यसबारे मैले कुनै निर्णय लिएको छैन  । म छिट्टै निर्णय गर्छु । 

 तपाईं कुन पदमा लड्ने सभापति कि महामन्त्री ?
सबै साथीहरु आइसक्नुभएको छैन । म सरसल्लाह गर्दैछु ।  

 सभापतिमा सुशील कोइराला शेरबहादुर देउवा र भीमबहादुर तामाङमा कसलाई समर्थन गर्नुहुन्छ ?
अहिले मैले कसैलाई गरेको छैन । म आफैं यसको तयारी गरिरहेको छु भनेपछि कसैलाई समर्थन गर्ने भन्ने कुरै आउँदैन । 

 अब कांग्रेस माओवादीसँग भिड्ने कि मिल्ने ?
 हिजो कांग्रेसले गल्ती कमजोरी गर् यो । १२ बुँदे समझदारी मानेर माओवादी जान्छ भने यो भन्दा राम्रो विकल्प छैन । तर त्यस्तो अवस्था देखिएको छैन । उनीहरु लिडेढिपी छाड्दैनन् बहुदलीय व्यवस्था र प्रजातन्त्र मान्दैनन् भने एक पटक भिड्नु त पर्छ पर्छ । यसभन्दा अर्को विकल्प छैन । यसबारे मेरो स्पष्ट विचार छ ।

भिड्ने भनेको त गृहयुद्ध होइन र ?
 लगभग त्यस्तै हो । माओवादीका कारण मुलुक गृहयुद्धमा जान सक्छ ।

गृहयुद्धमा जान त कांग्रेसको सभापति त बलियो चाहियो नि ?
कार्यकर्ताले कसलाई बलियो मानेका छन् र को बलियो छ भन्ने कुरा त महाधिवेशनले बताउँछ । कसले कांग्रेसलाई बचाउन सक्छ सुदृढ पारेर लैजान सक्छ भन्ने कुरा कार्यकर्ताको विवेकमा निर्भर छ । कार्यकर्ताको विवेक पुगेन भने कांग्रेस कहाँ पुग्छ भन्न सकिन्न ।

 सुशील र देउवाको खेमा छुट्टियो नि त ?
जसले सुशील र देउवाको खेमा भन्छ त्यो मुर्ख हो । पार्टी भनेको शेरबहादुर खुमबहादुर या भीमबहादुर होइन । कांग्रेस एक छ र एक हुन्छ । प्रजातान्त्रिक प्रकि्रया जुनसुकै पार्टीमा हुन्छ त्यो सामान्य हो ।

देउवासँग तपाईंको समीकरण हुँदैछ रे ?
त्यो निश्चित भइसकेको छैन । मेरो सबैसँग कुरा भइरहेको छ । कोसँग समीकरण बन्छ अहिले भन्न सकिँदैन ।

 संविधानसभाको औचित्य सकिएको घोषणा गर्नुभएछ ?
 हो अब संविधानसभाको औचित्य सकियो । यो मृत्युशैयामा पुगिसकेको छ । यसको अवधि अझै लम्बाउनुपर्छ भन्नेहरु सत्तालोलुप र पाखण्डी हुन् । यसलाई चाँडोभन्दा चाँडो विघटन गरेर स्वतन्त्र व्यक्तिहरु रहेको नयाँ सरकार बनाउनुपर्छ र ताजा चुनावमा जानुपर्छ ।

भनेपछि अब कांग्रेसले पनि प्रधानमन्त्रीको चुनाव नलड्दा हुन्छ ?
 संविधानसभाकै औचित्य छैन भनेपछि प्रधानमन्त्रीको के औचित्य  हाम्रो पार्टीमा पनि राष्ट्रिय सहमतिको सरकार बनाउनुपर्छ भनेर चिल्याउनेहरु थिए । मैले त संविधानसभाको म्याद बढाउनै हुँदैन भनेको थिएँ । पार्टीले ६ महिना म्याद थप्ने निर्णय गर् यो र पछि एक वर्ष म्याद थपियो त्यो नै दुर्भाग्य हो मुलुकका लागि ।

प्रचण्डले त संसदीय व्यवस्था असफल भयो भने नि ?
उनले कहिले संसदीय व्यवस्था मानेका छन् र  उनीहरु यसलाई असफल बनाउन लागेका हुन् असफल बनाउन सफल पनि भए । यसमा उनीहरु खुसी भएका होलान् ।