नेपालब्रिटेन डट कम्
लण्डन । गैरआवासीय नेपाली संघ (एनआरएनए) का उपाध्यक्ष डा. हेम राज शर्माले २०८४ सालमा हुने आम निर्वाचनलाई हेरेर नेपालका राजनीतिक दलहरुले संस्थाभित्र हस्तक्षेप गरेको दावी गरेका छन् ।
डा. शर्माले शनिवार सुनौलो अनलाईन टिभिलाई दिएको एक अन्तरवार्तामा सरकार गैरआवासीय नपालीहरुको संरक्षक हुनु पर्नेमा संस्था भित्र राजनीति गर्न उत्रिएको बताए ।
उनले गैरआवासीय नेपाली संघको अक्टोवरमा सम्पन्न निर्वाचनको परिणाम नमान्ने घोषणा लोकतन्त्रको मर्म विपरित भएको बताए ।
उनले गैरआवासीय नेपाली संघको निर्वाचनमा करोडौं रुपैयाँ खर्च गर्नुको पछाडि ठूलो स्वार्थ भएको बताए ।
उनले नेपालका राजनीतिक दलका विदेशमा रहेका भातृसंस्थाले डायस्पोरालाई दुःख दिएको बताए । उनले गैरआवासीय नेपालीहरुको सकृयतामा नेपालमा ठूला तथा साना लगानी भित्रिएको बताए ।
डा. शर्माले एनआरएनए निर्वाचनमा पराजित समूहले नियोजित रुपमा प्रधानमन्त्री र परराष्ट्र मन्त्रीको वदनाम गर्ने काम गरेको बताए ।
