१ असार २०८१, शुक्रबार
Follow Us

बेलायतको आमनिर्वाचनमा विदेशीलाई मताधिकार दिने घोषणा

नेपालब्रिटेन डट कम्
२८ जेष्ठ २०८१, सोमबार २१:२५

लण्डन । बेलायतमा रहेका करिब ४० लाख विदेशीहरुलाई आमनिर्वाचनमा मताधिकार दिने लिवरल डेमोक्र्याट पार्टीले घोषणा गरेको छ ।

आगामी जुलाई ४ तारिख हुने निर्वाचनको लागि सोमबार आफ्नो घोषणापत्र सार्वजनिक गर्दै पार्टीले बेलायतमा स्थायी रूपमा बसोबास गर्ने र कर तिर्ने आप्रवासीहरू सबैलाई बेलायती चुनावमा भाग लिन दिने प्रतिबद्धता सार्वजनिक गरेको हो ।

सो योजना अनुसार झन्डै ४० लाख थप मतदाताहरुको नाम मतदाता नामावलीमा समावेश हुनेछ ।

वेल्सको लेबर सरकारले २०२१ मा पेश गरेको नयाँ कानून मार्फत सबै विदेशीहरूलाई स्थानीय र विकसित चुनावमा मतदान गर्ने अधिकार दिएको छ।

लिबरल डेमोक्र्याट घोषणापत्रमा बेलायतको जनमत संग्रह, स्थानीय चुनाव र आम चुनावमा बसोबास गर्ने सबै युरोपेली नागरिकहरूलाई मताधिकार दिने वाचा गरिएको छ ।