लण्डन । गैरआवासीय नेपाली संघ (एनआरएनए) अमेरिकाको सकृयतामा जनकपुरमा आइसोलेसन सेन्टर बन्ने भएको छ ।
नेपालमा कोभिड १९ को संक्रमण दिनहुँ बढ्दै गए पछि १५ हजार डलरको लगानीमा सो आइसोसोलेशन सेन्टर स्थापना गर्न लागिएको एनआरएनए अमेरिकाका महासचिव पशुपति पाण्डेले जानकारी दिए ।
गैरआवासीय नेपाली संघको शनिवार सम्पन्न आपतकालिन बैठकलाई सम्बोधन गर्दै पाण्डेले नेपालमा कोभिड १९ बिरुद्धको लडाईमा साथ दिन अमेरिकामा रहेका नेपालीहरु सकृय रुपमा आर्थिक संकलन गर्न लागेको जानकारी दिए ।
यसअघि एनआरएनए अमेरिकाले गोफण्ट मार्फत आर्थिक संकलनको शुरुआत गरेको थियो ।