नेपालब्रिटेन डट कम्
लन्डन। पश्चिम लन्डनको इलिङस्थित इलिङ पार्कमा गतसाता मृत फेला परेका युवाको शव नेपाल लैजान नेपाली जनसम्पर्क समिति बेलायतले सहयोग गर्ने भएको छ ।
लन्डनस्थित नेपाली दूतावासका अनुसार सुनसरी घर भएका अंकित घिमिरे मृतक भेटिएका थिए । सम्पर्कविहिन बनेको झन्डै एक महिनापछि उनको शव बेलायती प्रहरीले पार्कमा फेला पारेको जनाइएको छ। नेपाली जनसम्पर्क समितिका सभापति युवराज गुरुङले मृतको शवलाई नेपाल पठाउनको लागि आवश्यक गृहकार्य थालिएको बताए ।
इष्ट लन्डन युनिभर्सिटीमा मास्टर्स गर्दै गरेका घिमिरेको शव नेपाल पठाउनको लागि लाग्ने खर्च युनिभर्सिटीले नै व्यहोर्र्ने भएको गुरुङले जानकारी दिए । उनको मृत्युको कारण स्पष्ट भइनसकेको भएपनि प्रारम्भिक रुपमा आत्महत्या आशंका गरिएको छ।
परिवारको इच्छाअनुसार मृतकको शव अहिले नेपाल पठाउने तयारी गरिएको हो। दूतावासले आवश्यक सहजीकरणको प्रयास गरिरहेको बताइको छ।
