धादिङ । दक्षिणी धादिङको बेनीघाट रोराङ्ग गाउँपालिका वडा नम्बर-२ स्थित मासखर्कको जाउला थाईमा भिरबाट लडेर एक बालकसहित दुई जनाको मृत्यु भएको छ ।
मृत्यु हुनेमा स्थानीय १९ वर्षीया अप्सरा चेपाङ र उनका छोरा दुई वर्षीय साजन रहेको ईलाका प्रहरी कार्यालय गजुरीले जनाएको छ । अप्सरा ८ महिनाको गर्भवतीसमेत थिइन् ।
सोमबार अपराह्न छोरासहित घाँस काट्न गएको बेला छोरा भिरबाट लडे पछि समात्न जाँदा अप्सराको पनि खसेर मृत्यु भएको हो ।
मृतकको शवलाई अहिले मलेखुस्थित स्थानीय अस्पतालमा राखिएको र पोस्टमार्टमपछि आफन्तलाई जिम्मा लगाइने छ ।
त्यस्तै गत शनिवार त्रिशुली नदीमा पौडी खेल्ने क्रममा बेपत्ता भएका भक्तपुरका २४ वर्षीय रोमी शाह ठकुरीको पनि आज गजुरी गाउँपालिकास्थित चालीसे नजिकै त्रिशुली नदीमा शव फेला परेको प्रहरीले जानकारी दिएको छ ।