विदेशी नागरिकता लिने भगौडा दलाल हुन् : प्रभू शाह
लण्डन । संघिय सांसद प्रभू शाहले संसदमा आपत्तिजनक अभिव्यक्ति दिएका छन् ।
शाहले चालु संसदमा बोल्दै विदेशी नागरिकता लिएका नेपालीहरुको नेपालमा रहेको सम्पति जफत गर्न माग गरेका हुन् ।
उनले विदेशी नागरिकता लिएका नेपालीहरुको सम्पति राज्यकोषमा कति आएको छ भन्दै सम्पतिको विवरण माग गर्दै भने ‘१० लाख नेपालीहरु नेपालमा भविष्य छैन भनेर विदेशी नागरिक भएका छन् । अहिले उनीहरुको नेपाली सम्पति विदेशमा लैजान कानून बनाउने प्रपन्च भैहेको छ । उनीहरुको सम्पति राष्ट्रियकरण हुनु पर्छ ।’
उनले गैरआवासीय नेपालीहरुलाई दलाल भगौडाहरु भन्दै देशको सम्पति विदेश पुराउने हो भने देशको समृद्धि सम्भव नभएको तर्क गरेका छन् ।