नेपालब्रिटेन संवाददाता
अहमदावाद । आइसीसी एकदिवसीय विश्वकप क्रिकेट आज देखि भारतमा सुरु हुँदैछ । गुजरातको अहमदावादमा साविक विजेता इंग्ल्याण्ड र न्युजिल्याण्डबीच प्रतियोगिताको उद्घाटन खेल हुनेछ । यो खेल नेपाली समय अनुसार सवा २ बजे सुरु हुनेछ ।
विश्वकप छनोटबाट छानिएका र विश्व क्रिकेटमा एकदिवसीय मान्यता पाएका १० देशहरुबीच प्रतिस्पर्धा हुनेछ । सहभागी १० टिमहरुले लिग चरणमा खेल्ने र शीर्ष चारले सेमिफाइलनल खेल्ने तालिका रहेको छ ।
विश्वकपमा आयोजक भारतसहित अफगानिस्तान, अष्ट्रेलिया, बंगलादेश, इंग्ल्याण्ड, न्युजिल्याण्ड, पाकिस्तान, दक्षिण अफ्रिका श्रृलंका र नेदल्याण्ड रहेका छन् । प्रतियोगीताको फाइनल खेल १९ नोभेम्बरमा हुनेछ ।
