मुम्बई । बलिउडका दिग्गज अभिनेता धर्मेन्द्र र ड्रीम गर्ल हेमा मालिनीकी छोरी आफ्नो अभिनयभन्दा पनि व्यक्तिगत जीवनका कारण चर्चामा रहने गरेकी छिन् ।

हालै ईशा देओलको बारेमा यस्तो खबर बाहिर आएको छ । यो सुनेर सबै छक्क परे । समाचार अनुसार अभिनेत्रीले आफ्ना पति भरत तख्तानीसँग अलग भएकी छिन् ।

वास्तवमा बलिउड लाइफ र बलिउड शादी डट कममा प्रकाशित समाचारका अनुसार यी कुराहरू तब प्रकाशमा आए, जब हालसालै एक सोशल मिडिया प्रयोगकर्ताले रेडिटमा एक पोस्ट साझा गरे र त्यसमा ईशा र भरत एकअर्काबाट अलग भएको संकेत गरेका थिए । जसका कारण उनीहरु अब सार्वजनिक रुपमा सँगै देखिदैनन् । यति मात्र होइन, यो पोस्टमा प्रयोगकर्ताले भरतले आफ्नी श्रीमतीलाई धोका दिएको दाबी पनि गरेका छन् ।

प्रयोगकर्ताले आफ्नो पोस्टमा नयाँ वर्षको दिन बेंगलुरुमा भएको पार्टीमा ईशाका पति भरतलाई देखेको दाबी पनि गरेका छन् । जहाँ उनी आफ्नी एक कथित प्रेमिकासँग थिए । भरतकी प्रेमिका बैंगलोरमा मात्रै बस्छिन् भन्ने पनि बताइएको छ । यद्यपी देओल परिवारका तर्फबाट हालसम्म यी खबरमा कुनै प्रतिक्रिया आएको छैन ।

ईशा देओलले २९ जुन २०१२ मा भरतसँग विवाह गरेकी थिइन् । दुबैको विवाह इस्कॉन मन्दिरमा अत्यन्त सादगीका साथ सम्पन्न भएको थियो । विवाहको पाँच वर्षपछि यी जोडी छोरी राध्याका आमाबुवा बने र सन् २०१९ मा इशाले दोस्रो छोरी मिराया तख्तानीलाई जन्म दिइन् ।

यो स्टार जोडी प्रायः सामाजिक सञ्जालमा एकअर्कासँगको तस्विर शेयर गरेको देखिन्छ । तर, यसपटक भरत ईशा देओलको जन्मदिनको सेलिब्रेशनमा गायब देखिए । हेमा मालिनीको जन्मदिनमा पनि भरत देखिएका थिएनन् । ‘धुम’ हिराेइन इशाकाे याे पारिवारिक खबरले फ्यानहरूलाइ दुःखी बनाएकाे छ ।