लन्डन । इङलिश प्रिमियर लिग अन्तर्गत म्यानचेस्टर युनाइटेड क्रिस्टल प्यालेससँग बराबरीमा रोकिएको छ । गएराती सम्पन्न खेलमा म्यानचेस्टर युनाइटेड र क्रिस्टल प्यालेस गोल रहित बराबरीमा रोकिएका हुन् ।

यो बराबरीपछि म्यानचेस्टर युनाइटेडको ५ खेलमा ७ अंक भएको छ र लिगमा ११औं स्थानमा छ । त्यस्तै क्रिस्टल प्यालेसको ५ खेलमा ३ अंक रहेको छ र लिगमा १६औ स्थानमा रहेको छ ।

बोर्नमाउथमाथि लिभरपुलको सहज जित

लिभरपुलले इङलिश प्रिमियर लिग अन्तर्गत बोर्नमाउथमाथि सहज जित हासिल गरेको छ । गएराती सम्पन्न खेलमा लिभरपुलले बोर्नमाउथलाई ३-० गोल अन्तरले पराजित गरेको हो । लिभरपुलको जितमा लुइज डियाजले दुई गोल गरेका थिए भने डर्विन नुनेजले एक गोल गरेका थिए ।

यो जितपछि लिभरपुलको ५ खेलमा १२ अंक भएको छ र लिगमा शिर्ष स्थानमा उक्लिएको छ । त्यसैगरी बोर्नमाउथको भने ५ खेलमा ५ अंक रहेको छ र लिगमा १३औ स्थानमा रहेको छ ।