लन्डन । राष्ट्रिय प्रजातन्त्र पार्टी (राप्रपा) अध्यक्ष राजेन्द्र लिङ्देन बेलायत भ्रमणमा भएका छन् । पार्टीको भ्रातृ संगठन प्रवासी नेपाली एकता समाज यूकेको आयोजनामा आइतवार अल्डरशटमा आयोजित एक कार्यक्रममा सहभागी हुन वेलायत आएका हुन् ।

प्रवासी नेपाली एकता समाज यूकेका अध्यक्ष रोशन सापकोटाका अनुसार अध्यक्ष लिङ्देन सहित प्रमुख सचेतक ज्ञानबहादुर शाही, केन्द्रीय सदस्य तथा प्रवास विभाग प्रमुख आनन्द अधिकारी र केन्द्रीय सदस्य हिक्मतजंग कार्कीले सो कार्यक्रमलाई सम्बोधन गर्ने छन् ।

उनले वेलायतका बिभिन्न शरहमा आयोजित अन्तरक्रिया कार्यक्रममा समेत सहभागी हुनेब बताइएको छ ।

अध्यक्ष सहितको टोली बेलायतको गेटवीक विमानस्थलमा शनिवार दिउँसो आइपुगेका थिए । उनको स्वागतको लागि समाजका अध्यक्ष रोशन सापकोटा सहित राप्रपाका नेता कार्यकर्ता विमानस्थल पुगेका थिए ।

अध्यक्ष लिङ्देन आगामी साता नेपाल फर्किने कार्यक्रमतय छ ।