काठमाडौं । गैरआवासीय नेपाली संघ (एनआरएनए) को केन्द्रीय समिति बैठक आज दिउँसो ५ बजे संघका अध्यक्ष डा. बद्री केसीको अध्यक्षतामा बस्दैछ। संघका समसामयिक मुद्दाहरूमा छलफल हुने यस बैठकमा संघका पूर्वअध्यक्ष शेष घलेद्वारा आह्वान गरिएको एकता महाधिवेशनबारे समेत चर्चा हुने अपेक्षा गरिएको छ।

बैठकमा संघका कार्यसमितिका सबै पदाधिकारीहरूको उपस्थिति रहने अपेक्षा गरिएको छ। साथै संघको वार्षिक साधारणसभाको समिक्षा र विभिन्न आन्तरिक विषयहरूमा समेत गहन छलफल हुने तयारी गरिएको संघले जनाएको छ।