नेपालब्रिटेन संवाददाता
पर्सा । जनकपुर बोल्टस्ले नेपाल प्रिमियर लिग (एनपीएल) को उपाधि जितेको खुसीयालीमा पर्साको सखुवा प्रसौनी गाउँपालिकाले आइतबार सार्वजनिक बिदा दिएको छ ।
शनिबार बसेको कार्यपालिका बैठकको निर्णयअनुसार आइतबार बिदा दिइएको हो । पालिकाले एक सूचना जारी गर्दै सबै वडा कार्यालय, शैक्षिक संस्था, बैंक तथा वित्तीय संस्था बिदा दिइएको उल्लेख छ ।
त्रिवि क्रिकेट मैदानमा शनिबार भएको फाइनल खेलमा सुदूरपश्चिम रोयल्सलाई ५ विकेटले हराउँदै जनकपुर बोल्टस्ले एनपीएल उपाधि हात पारेको थियो ।
