नेपालब्रिटेन डट कम्
लण्डन । अमेरिकास्थित भर्जिनिया राज्यमा कार दुर्घटना हुँदा दुई जना नेपालीको निधन भएको छ ।
गैरआवासीय नेपाली संघ अमेरिकाका अध्यक्ष अर्जुन बन्जाडेका अनुसार भर्जिनियाको स्यान्टिल्लीमा विहिवार कार हिउँमा चिप्लिएर चिसो पोखरीमा डुब्दा ती नेपालीहरुको मृत्यू भएको हो ।
एनआरएनए भर्जिनिया क्षेत्री अध्यक्ष विशाल कार्कीले घट्नाको पुष्टी गर्दै थप विवरण पछि सार्वजनिक गर्ने बताए ।
पुलिसका अनुसार, भर्जिनियाको च्यान्टिल्लीमा बिहीबार बिहान एक होटलको बाहिर पोखरीमा डुबेको कारमा दुई पुरुषको मृत्यु भएको छ।
फेयरफ्याक्स काउन्टी पुलिसका अनुसार, बिहानको ७:३० बजेतिर कार उक्त होटलको नजिकैको सेन्टरभ्यू ड्राइभमा रहेको पानीमा डुबेको थियो। कार विन्गेट बाई विंडहम होटलको नजिकै परेको थियो।
अग्नि र उद्धार टोलीले पानीमा खोजी गरि दुई पुरुषको मृत देह फेला पारे। पुलिसका अनुसार, ती पुरुषले डुबेर मरेका थिए।
कार किन र कसरी चिसो पानीमा डुब्यो भन्ने कुरा स्पष्ट छैन, तर पुलिसले यसलाई दुर्घटना मानेका छन्।
उद्धारकर्मी र अनुसन्धानकर्ताहरूले २० डिग्री फरेनहाइटको आसपासको चिसो तापक्रम र १० डिग्रीको आसपासको हावाहुरीको सामना गर्दै घटनास्थलमा काम गरे।
अमेरिकामा बाक्लो हिमपात हुदाँ जनजिवन अस्तव्यस्त रहेको स्थानीय संचार माध्यमले उल्लेख गरेका छन् ।
