काठमाडौं । कीर्तिमानी फिल्म ‘पूर्णबहादुरको सारङ्गी’ का निर्देशक सरोज पौडेलको नयाँ फिल्म ‘कोशेढुङ्गा’ को ट्रेलर रिलिज हुनुभन्दा ९ दिन अघि सार्वजनिक गरिएको छ। करिब साढे ३ मिनेट लामो ट्रेलरले फिल्मको सम्बन्धमूलक कथावस्तुलाई प्रभावकारी ढंगले प्रस्तुत गरेको छ।

केन्द्रमा चुलबुले स्वभावकी अभिनेत्री सुरक्षा पन्त रहँदा, उनको अभिनय ट्रेलरमा विशेष रूपमा प्रभावशाली देखिन्छ। ट्रेलरमा सुरक्षाको मनपरेको युवकसँगको विवाहपछि जीवनमा आएका उतारचढाव, आर्थिक अभाव, पारिवारिक कलह र दाम्पत्य जीवनका चुनौतीहरूलाई मार्मिक रूपमा देखाइएको छ। साथै, गाउँमै बसेर आत्मनिर्भर बन्न खोज्दा समाजबाट प्राप्त व्यवहार र प्रतिक्रिया पनि ट्रेलरमा समेटिएको छ।

फिल्म भदौ १२ गते प्रदर्शनमा आउनेछ र यसमा सुरक्षा पन्तसँगै आर्यन सिक्देल, ऋचा शर्मा, नीति शाह, प्रवीण खतिवडा, मन्जिल कुमार, सरोज खनाल, हिउँवाला गौतम लगायतका कलाकारको अभिनय रहेको छ। फिल्मको लेखन निर्देशक सरोज पौडेल ले गरेका हुन् भने उनलाई सुनिल निउरे र सुबलमणि सापकोटा ले लेखनमा सहयोग गरेका छन्।

निर्माणमा नरदेवी फिल्म्स र सारंगी फिल्म्स को सहकार्य रहेको छ। निर्माता हुन् प्रेविल कँडेल र किशोर अनुराग, कार्यकारी निर्माता दिनेश खड्का। फिल्मको छायांकन बाबु श्रेष्ठ, सम्पादन नहकुल खड्का, र संगीत आशिष अविरल र रिदम कँडेल ले तयार गरेका छन्। यो फिल्म नेपालसहित ४२ भन्दा बढी देशमा एकसाथ रिलिज हुने जनाइएको छ।