काठमाडौँ । कांग्रेसका नेता कृष्णप्रसाद सिटौलाले तोकिएको समयमा नै निर्वाचन सम्पन्न गराउन सरकारसँग आग्रह गरेका छन ।

कांग्रेस नेता सिटौलाले प्रधानमन्त्री सुशीला कार्कीलाई निर्वाचन सार्ने वा टार्ने काम नगर्न पनि सचेत गराएका छन । आज (सोमबार) गणेशमान सिंहको जन्मजयन्तीको अवसर पारेर सोमबार काठमाण्डूमा आयोजित एक कार्यक्रममा बोल्दै उनले मुलुक संकटमा फसेको उल्लेख गर्दै त्यसको निदानका लागि निर्वाचनमा जानुको विकल्प नरहेको पनि बताए ।

कांग्रेस नेता सिटौलाले मुलुकलाई संकटबाट निकास दिन सबै राजनीतिक दलहरू मिलेर नयाँ समझदारीका साथ अघि बढनुपर्ने आवश्यकता रहेको बताए ।

उनले भने, ‘प्रधानमन्त्रीलाई मैले भनेको छु निर्वाचन गराउन सफल हुनुहोस् । निर्वाचन सार्ने कुरा नगर्नुहोला । निर्वाचन टार्ने कसैले तपाईंलाई सुझाव दियो भने नमान्नुहोला भनेर मैले सुझाव दिएको छु ।’

२१ फागुनको निर्वाचनलाई कसरी सफल बनाउने भन्ने चुनौती प्रधानमन्त्री समक्ष रहेकोभन्दै उनले सबैले समझदारी गरेर मुलुकलाई संकटबाट निकास दिनुपर्ने पनि उनले बताएका छन ।