नेपालब्रिटेन संवाददाता
क्यानडाको एक विद्यालयमा भएको गोलीकाण्डमा कम्तीमा सात जनाको मृत्यु भएको छ भने दर्जनौँ घाइते भएका छन्, प्रहरीले जनाएको छ।
घटना ब्रिटिश कोलम्बियाको टम्बलर रिज (Tumbler Ridge) सहरमा भएको हो।
प्रहरीका अनुसार मृतकमध्ये एक जना आक्रमणकारी पनि छन्। उनी आत्मघाती रूपमा गोली हानेको आशंकामा मृत अवस्थामा फेला परेका हुन्।
पीस रिभर साउथ स्कुल डिस्ट्रिक्टले माध्यमिक विद्यालय तथा टम्बलर रिज प्राथमिक विद्यालय दुवैमा लकडाउन लागू गरिएको जानकारी दिएको छ।
