नेपालब्रिटेन संवाददाता
काठमाडौं । काठमाडौँको नापी कार्यालय कलंकीका तत्कालीन नापी अधिकृत हिरालाल पार्घे र सर्भेक्षक अमित कुमार श्रेष्ठविरुद्ध भ्रष्टाचार मुद्दा दायर भएको छ ।
अख्तियार दुरुपयोग अनुसन्धान आयोगका प्रवक्ता सुरेश न्यौपानेका अनुसार जग्गा हाल साविक गरी प्लट मिलानको लागि सहजीकरण गरिदिने भनी सेवाग्राहीसँग घुस बापतको रकम बार्गेनिङ गरी नियमपूर्वक गरिदिनुपर्ने काम नगरी दुख हैरानी दिइ घुस लिन मन्जुर गरेको पुष्टि भएको छ ।
भ्रष्टाचार निवारण ऐन, २०५९ बमोजिम बिगो ५० हजार रुपियाँ कायम गरी कैद र जरिवाना हुन मागदाबी लिइ सोमबार विशेष अदालत, काठमाडौँमा आरोपपत्र दायर भएको आयोगले जनाएको छ ।
