काठमाडौं– केन्या प्रहरीले शनिबार १२ नेपाली युवतीलाई पक्राउ गरेको छ ।
उनीहरूलाई बार डान्सरका रूपमा मानव तस्करले केन्या पुर्‍याएका थिए । उनीहरूलाई केन्याको मोम्बासा नियालीस्थित न्यु रंगिला बारबाट पक्राउ गरिएको हो ।
प्रहरीका अनुसार अन्तर्राष्ट्रिय यौन मानव तस्करविरुद्ध अभियान चलाउने क्रममा उनीहरू पक्राउ परेका हुन् । प्रहरीले बार सञ्चालकलाई पक्राउ गरेको छ । उनको साथबाट क्यानेडियन राहदानी बरामद भएको छ । प्रहरीले १२ नेपाली युवती कसरी केन्या आइपुगे भनेर अनुसन्धान भइरहेको जनाएको छ । थप अनुसन्धानका लागि सोमबार मोम्बासा अदालतमा लैजाने तयारी गरेको छ । कान्तिपुर दैनिकमा खबर छापिएको छ ।