नेपालब्रिटेन डट कम्
लन्डन । गैरआवासीय नेपाली संघ (एनआएनए) युकेको भोलि (विहीवार) हुने १५ औं वार्षिकोत्सवमा सहभागी हुन संघका अध्यक्ष कुमार पन्त वेलायत आउने भएका छन् ।
गैरआवासीय नेपाली संघ युकेका अनुसार पन्तले अल्डरशटमा आयोजित विशेष समारोहलाई सम्वोधन गर्ने भएका हुन् ।
गैरआवासीय नेपाली संघको जननि देशको रुपमा परिचित वेलायतको स्थापना दिवसलाई संघले निकै महत्वका साथ लिएको वताइन्छ ।
संघका महासचिव डा. हेम राज शर्मा लगायत केन्द्रीय नेताहरुको समेत उपस्थितमा हुने सो कार्यक्रममा उपस्थित भैदिन संघकी अध्यक्ष पुनम गुरुङले आब्हान गरेकी छन् ।
समारोहमा नवनियुक्त सल्लाहकारहरु, पूर्व तथा वर्तमान कार्यसमितिलाई एकै मञ्चमा आमन्त्रण गरेर सम्मान गर्न लागिएको कार्यक्रम अध्यक्ष पुनम गुरुङले बताइन् ।
संघका संस्थापक मध्यका एक तथा कार्यक्रम संयोजक रामशरण सिमखडाले कार्यक्रमको सम्पूर्ण तयारी पुरा भएको जानकारी दिए ।
सिमखडा संघको अभियानमा लगायत १५ वर्ष सकृय मध्यका एक संस्थापक भएकाले स्थापना दिवस तयारीको लागि गैरआवासीय नेपाली संघ युकेले उनलाई संयोजक तोकेको थियो । सिमखडा वेलायतका एक प्रभावशाली समाजसेवीका रुपमा स्थापित छन् ।
कार्यक्रममा वेलायतस्थित बिभिन्न संघसँस्थाका प्रतिनिधीहरु, केन्द्रीय पदाधिकारीहरु, वेलायतस्थित नेपाली दूतावासका प्रतिनिधी, संस्थापक सदस्यहरु, सल्लाहाकार, केन्द्रीय पार्षद लगायतको उपस्थिती रहने संघले जनाएको छ ।
