१४ भाद्र २०८२, शनिबार
Follow Us

महिला युरो कप फुटबलको फाइनल खेल आज हुँदै

नेपालब्रिटेन संवाददाता
११ श्रावण २०८२, आईतवार ०५:५८

लन्डन । महिला युरो कप फुटबलको फाइनल खेल आज हुँदैछ । उपाधिका लागि स्पेन र इङ्गल्यान्ड राति पौने ९ बजे स्विटजरल्याण्डको सेन्ट ज्याकोब पार्क बासेलमा भिडन लागेका हुन । इङ्ल्यान्ड युरोको साबिक विजेता हो भने स्पेन विश्व च्याम्पियन टोली हो ।

दुई वर्षअगाडि यी दुई टिम विश्वकपको फाइनल खेलेका थिए । त्यसमा स्पेन १–० ले विजयी भएको थियो । आजको खेल इङ्ल्यान्डका लागि उपाधि रक्षाको मात्र नभई स्पेनसँँग २ वर्ष पहिला विश्व विजेताबाट बञ्चित हुँदाको बदला लिने अबसरको रुपमा रहेको छ ।

पछिल्लो विश्वकपयता यी दुई टिमबीच दुई पटक भेट भएको छ । त्यसमध्ये एक खेलमा इङ्ल्यान्ड १–० ले विजयी रहेको छ भने अर्कोमा स्पेन २–१ ले जित हासिल गरेको छ । पछिल्लो फिफा वरीयता अनुसार स्पेन दोस्रो तथा इंग्ल्याण्ड पाँचौं स्थानमा छन ।

हालसम्म यी दुई टिमबीच १४ पटक प्रतिस्पर्धा भएको छ, जसमा इंग्ल्याण्डले सात खेल जितेको छ भने स्पेनसँग चार खेलमा पराजित भएको छ । इंग्ल्याण्ड र स्पेनले तीन खेल बराबरी खेलेका छन् ।

धेरै पढिएको