नेपालब्रिटेन संवाददाता
काठमाडौं । कर्णाली विकास बैंकको रकम हिनामीना गरेको आरोपमा १ सय ११ जनाविरुद्ध मुद्दा दायर भएको छ ।
उनीहरुविरुद्ध उच्च अदालत तुलसीपुरको नेपालगञ्ज इजलासमा ३ अर्ब २० करोड ११ लाख बिगो दाबी सहित गरी मुद्दा दायर गरिएको हो । जिल्ला सरकारी वकिल कार्यालय, बाँकेका सहायक न्यायाधिवक्ता गोविन्दबहादुर शाहीका अनुसार मुद्धा दायर गरिएका १ सय ११ जना मध्ये चार जनालाई अदालतमा उपस्थित गराइएको छ ।
नेपाल प्रहरीको केन्द्रीय अनुसन्धान ब्यूरो सिआइबीको अनुसन्धान प्रतिवेदनका आधारमा सरकारी वकिलले मुद्दा दायर गरेको हो । सिआइबीले गत १६ जेठदेखि अनुसन्धान प्रक्रिया अघि बढाई घटनाम संल्ग्न राजेन्द्रवीर राय, वेदप्रकाशसिंह ठकुरी, पशुपतिदयाल मिश्र र भुवन बस्नेत पक्राउ परेका हुन् ।
राय र मिश्र बैंकका पूर्वअध्यक्ष हुन् भने ठकुरी बैंकका लेखाप्रमुख हुन् । बस्नेत भने नेपाल राष्ट्र बैंकका पूर्व निर्देशक हुन् ।
सिआइबीले तयार पारेको अनुसन्धान प्रतिवेदन अनुसार अभियुक्तमध्ये ८ बैंकका पदाधिकारी, २२ कर्मचारी र बाँकी ७८ अन्य व्यक्ति छन् ।
