नेपालब्रिटेन संवाददाता
काठमाडौं । चर्चित गायीका कोमल वलीको नयाँ तीज गीत “सिंगापुरे सारीमा” बिहिबार सार्वजनिक भएको छ । यादव प्रसाद पन्त र बसन्त योगीको शव्द रहेको गीतमा वलीले स्वरदिएकी हुन् भने संगीत एवं एरेन्ज पुष्कर सुनुवारले गरेका छन् ।
विशेष गरी दर्जनौ लोक तथा दोहोरी गीतमा निकै चर्चा कमाएकी गायीका वलीले नेपाली चलचित्रका गीत समेत गाएकी छिन् । पछिल्लो समय राजनीतिमा होमिएकी गायीका वलीले यो वर्ष “सिंगापुरे सारीमा” लगाएतका तीज गितमा आफ्नो स्वर भरेकी छिन् ।
इच्छा अधिकारी र स्वमं कोमल वलीको अभिनय रहेको गीतको भिडियोको कोरियोग्राफि तथा निर्देशन प्रसान्त मगरले गरेका छन्, भने भिडियो दिनेश पराजुलीले खिचेका हुन् ।
गायीका वलीको बिहे गर्ने आश अझै नमरेको र त्यसका लागि भगवान शिव जीलाई पुकार गरेको आशय शब्दमा सुन्न पाईन्छ । भिडियो पनि भगवान शिवकै आरधना तथा पुजा गरी बिहेको लगन नजुराई दिएको र यस पालिको तीजमा केही हुने अपेक्षलाई समेटिएर भिडियो निर्माण भएको छ ।
दाङकी गायीका वलीको बिहेकै बारेमा थिम तयार गरी गीत एवं भिडियो बजारमा ल्याएको रचनाकार तथा प्रोड्युसर यादव प्रसाद पन्तको भनाई छ । सात समुन्द्र पारी रहेर पनि नेपाली नारीहरुको महान पर्व तीजलाई मध्यनजर गरेर तीज गीत बजारमा ल्याको पन्तले बताए ।
