काठमाडौं । सेप्टेम्बर २१ तारिख बिहान दिल्ली विमानस्थलमा एउटा चकित पार्ने घटना घटेको छ। लगभग १३ वर्षीय एक बालक काबुलबाट काम एयरलाइन्सको उडान आरक्यू–४४०१ मा ल्यान्डिङ गियरमा लुकेर दिल्ली आइपुगे। बिहान करिब ११ः१० बजे एयरलाइन्स सुरक्षा कर्मचारीले ती बच्चालाई विमानमा घुमिरहेको देखे र पक्राउ गरे।

जानकारी अनुसार सोधपुछका क्रममा ती बालक अफगानिस्तानको कुन्दुजको बासिन्दा भएको पत्ता लागेको छ। उनी बिना टिकट यात्रा गरेको खुलासा भएको छ। विमानको गहन खोजी गर्दा एयरलाइन्सको सुरक्षा र इन्जिनियरिङ टोलीले ल्यान्डिङ गियर क्षेत्रमा एउटा सानो रातो अडियो स्पिकर पनि फेला पारेको छ।

त्यसपछि ती बालकलाई आई–टु–आई क्षेत्रमा ल्याइएको थियो। जहाँ विभिन्न सम्बन्धित एजेन्सीहरुले विस्तृत सोधपुछ गरेका थिए। त्यस समयमा बालकको सुरक्षा र कल्याण सुनिश्चित गर्न अत्यधिक सावधानी अपनाइएको थियो। सबै प्रक्रिया पूरा गरेपछि ती बालकलाई कम एयरलाइन्सको उडान आरक्यू–४४०२ मा दिउँसो काबुल पठाइएको थियो।

विमानस्थलका अधिकारीहरुले सुरक्षा जाँच र विमान सञ्चालन जिम्मेवारीको दृष्टिकोणबाट यो घटना गम्भीर भएको बताएका छन्। भविष्यमा यस्ता घटनाहहुन नदिन विमानस्थल र एयरलाइन्स दुवैले सुरक्षा उपायहरु अझ बलियो बनाउनेछन्।