नेपालब्रिटेन संवाददाता
काठमाडौँ । ललितपुरको इमाडोलस्थित किष्ट मेडिकल अस्पतालको अवस्था तनावग्रस्त भएको छ । उपचारको क्रममा सुत्केरीको मृत्यु भएपछि किष्ट मेडिकल अस्पतालमा तनावको अवस्था सृजना भएको हो ।
गत शुक्रवार अस्पतालमा मीना राईको मृत्यु भएपछि उनको आफन्तहरूले अस्पतालमा तोडफोड गरेका हुन् ।
अस्पताल परिसरमा मृतकका आफन्तहरू ढुङ्गा बोकेरै तोडफोडका लागि अस्पतालमा पुगेका थिए । उनीहरूले ढुंगामुढा प्रहार गरेपछि प्रहरीले पनि अवस्थालाई नियन्त्रणमा लिन लाठीचार्ज र अश्रुयास प्रहार गर्यो ।
सोही क्रममा केही व्यक्तिहरू घाइते भएका छन् ।
