नेपालब्रिटेन संवाददाता
काठमाडौँ । पवन कुमार आचार्य सानिमा बैंकको प्रमुख कार्यकारी अधिकृतमा नियुक्त भएका छन् ।
हिजो बसेको सानिमा बैंकको सञ्चालक समितिको बैठकको निर्णयअनुसार माघ १२ गतेदेखि लागू हुने गरी आचार्य प्रमुख कार्यकारी अधिकृतमा नियुक्त भएका हुन् ।
ललितपुरका आचार्य, २०६० सालमा सानिमा बैंकको स्थापनाकालदेखि नै बैंकमा कार्यरत रही बैंकिङ्ग क्षेत्रमा २१ वर्ष लामो अनुभव सङालेका छन् ।
हाल उनी सानिमा बैंकको नायव प्रमुख कार्यकारी अधिकृतको रूपमा जिम्मेवारी निभाउँदै आएका छन् ।
यस अघि पनि बैंकको दशवटा विभागमा उनले विभागीय प्रमुखका रूपमा राम्रो अनुभव बटुलेका थिए । उनको कर्जा मूल्याङ्कन, डिजिटलाइजेसन तथा परियोजना लगानीमा विज्ञता रहेको छ । साथै, उनी सानिमा बैंकको सहायक कम्पनी सानिमा क्यापिटलमा सञ्चालक समितिमा अध्यक्षका रूपमा कार्यरत छन् ।
यसबाहेक पनि उनको प्रोडक्सन इन्जिनियरमा चार वर्ष र भिजिटिङ फ्याकल्टीमा पाँच वर्षको अनुभव रहेको छ ।
आचार्यले अमेरिकाको पिट्सबर्ग स्टेट युनिभर्सिटीबाट स्नातकोत्तर र मा इन्जिनियरिङ्गमा स्नातक डिग्री हासिल गरेका छन् । उनको कार्यकालमा बैंक थप सफलताको उचाइमा पुग्न सफल हुने बैंकले विश्वास लिएको जनाएको छ ।
