नेपालब्रिटेन संवाददाता
गायिका सुनिता दुलालले प्रेमी राजेश केसीसँग इन्गेजमेन्ट गरेकी छिन्। बिहीबार सामाजिक सञ्जालमा फोटोहरू साझा गर्दै उनले यसबारे जानकारी दिएकी हुन्। बिहे शनिबार (भोलि) काठमाडौंमा हुँदैछ।
इन्गेजमेन्टपछि तस्बिर साझा गर्दै उनले लेखेकी छिन्, ‘जीवनको नयाँ अध्याय-एक अर्काको हात समाएर, साथ-साथै अघि बढ्ने प्रतिज्ञा। हामीले सुरु गरेको यो नयाँ यात्रा प्रेम, सम्मान र विश्वासले भरियोस्। हाम्रो सँगैको यो खुसी तपाईंहरूको आशिषमा अझ सुन्दर बनोस्। सुन्दर पलहरू’
चार वर्षदेखि प्रेममा रहेका उनीहरू इन्गेजमेन्टमा दुवै जना आकर्षक पहिरनमा हर्षित देखिए।
