नेपालब्रिटेन संवाददाता
काठमाडौँ । नेकपा एमालेको ११ औँ राष्ट्रिय महाधिवेशनको लोगो आज सार्वजनिक हुने भएको छ। दिउँसो १ बजे ललितपुरको च्यासलस्थित मुख्यालयमा अध्यक्ष केपी शर्मा ओलीले लोगो सार्वजनिक गर्ने कार्यक्रम रहेको पार्टीले जनाएको छ ।
मंसिर २७ गतेदेखि २९ गतेमा काठमाडौँ उपत्यकामा हुने पार्टीको महाधिवेशनका लागि एमालेले शनिबार प्रतिनिधिहरू छनोट गरेको छ। अधिकांश स्थानमा सर्वसम्मत र केही क्षेत्रमा भने निर्वाचनमार्फत प्रतिनिधि छनोट भएका हुन्।
