उदयपुर । उदयपुरको त्रियुगा नगरपालिका-१० मा रहेको हिमालयन बोडिङ स्कुलको भवनमा आज बिहान लागेको आगलागी नेपाली सेनाको पशुपतिप्रसाद गणबाट खटिएको दमकल टोलीले नियन्त्रणमा लिएको छ।
आगोले स्कुलको मुख्य भवनलाई क्षति पुर्याएको थियो। आगलागीको खबर पाउनासाथ नेपाली सेना, नेपाल प्रहरी, सशस्त्र प्रहरी बल र स्थानीय बासिन्दाहरू आगो निभाउन खटिएका थिए। सुरक्षाफौजसहितको संयुक्त प्रयासमा आगो पूर्ण रूपमा नियन्त्रणमा आएको जनाइएको छ ।
आगलागीबाट स्कुलको कक्षा कोठा, फर्निचर तथा शैक्षिक सामग्रीहरू जलेर नष्ट भएको प्रारम्भिक अनुमान छ।