नेपालब्रिटेन संवाददाता
काठमाडौँ। ‘तिमीलाई हङकङ पुर्यायो आइडी काडैले’लगायत दर्जन बढी चर्चित गीत गाएकी गायिका सत्यकला राई राष्ट्रिय स्वतन्त्र पार्टी (रास्वपा)को समानुपातिक तर्फको उम्मेदवारको प्रारम्भिक सूचीमा परेकी छन् ।
खोटाङबाट उनको नाम आदिवासी जनजाति सूचीमा सिफारिस भएको छ । उनी चलचित्र निर्माता नबल खड्काकी श्रीमती हुन् ।
सांगीतिक कार्यक्रम र भेटघाटका लागि अमेरिकामा रहेकी राईले रास्वपाको समानुपातिक उम्मेदवारको प्रारम्भिक सूचीमा परेको जानकारी दिइन् । निर्वाचित भएर काम गर्ने इच्छा रहेको पनि बताइन् ।
रास्वपाले प्रारम्भिक सूचीमा रहेका उम्मेदवारहरूसँग पुस ५ गते छलफल गर्ने छ । तर अमेरिकामा रहेकी राई भने छलफलमा सहभागी हुने छैनन् ।
नेपाल फर्किएपछि थप छलफल गर्ने उनले बताइन् । रास्वपाले सार्वजनिक गरेको उम्मेदवारको सर्टलिष्टमा खोटाङबाट राईको मात्रै नाम छ ।
