नेपालब्रिटेन संवाददाता
काठमाडौं । काठमाडौंको तत्कालीन प्रमुख जिल्ला अधिकारी (सीडिओ) छवि रिजाल आज बिहान सुविधानगरबाट पक्राउ परेका छन् । उनलाई उपत्यका अपराध अनुसन्धान कार्यालयले पक्राउ गरेको हो ।
गत भदौ २३ र २४ गते जेनजी आन्दोलन हुँदा उनी काठमाडौंका सीडिओ थिए । जेनजी प्रदर्शनबारे छानबिन गर्न गठित उच्चस्तरीय जाँचबुझ आयोगले काठमाडौंका तत्कालीन प्रमुख जिल्ला अधिकारी छवि रिजाललाई दोषी किटान गर्दै मुद्दा चलाउन सिफारिस गरेको थियो ।
आयोगको प्रतिवेदन र मन्त्रिपरिषद्को निर्णयअनुसार पूर्व प्रधानमन्त्री केपी शर्मा ओली र तत्कालीन गृहमन्त्री रमेश लेखक यसअघि नै पक्राउ परिसकेका छन् ।
