नेपालब्रिटेन संवाददाता
सुर्खेत । कर्णाली प्रदेशका मुख्यमन्त्री यामलाल कँडेलले आफ्नो पदवाट राजीनामा दिएका छन् । आज बसेको प्रदेशसभाको बैठकलाई सम्बोधन गर्ने क्रममा उनले राजीनामाको घोषणा गरेका हुन्।
मुख्यमन्त्री कँडेलविरुद्ध कांग्रेस र नेकपाका १६ सांसदले अविश्वासको प्रस्ताव प्रदेश सभामा दर्ता गराए पछि उनी राजनीतिक रूपमा संकटमा परेका थिए ।
नेकपा एमालेका अध्यक्ष केपी ओली र नेपाली कम्युनिष्ट पार्टीका संयोजक पुष्पकमल दाहाल प्रचण्डबीच सत्ता सहकार्य सहमतिको लागि छलफल चलिरहेको बेलामा मुख्यमन्त्री कडेँलको राजीनामा आएको हो ।
ततकालिन सत्ता सहयोगी नेपाली कांग्रेसको समर्थनमा कडेँल एमालेवाट मुख्यमन्त्री रहेका थिए ।
