मुम्बई । सन्दीप रेड्डी वांगाका भाइ प्रणय रेड्डी वांगाले ‘एनिमल पार्क’का सम्बन्धमा एउटा महत्त्वपूर्ण जानकारी दिएका छन्। 

उनले ‘स्पिरिट’ रिलिज भएको ६ महिनापछि ‘एनिमल पार्क’ को छायाङ्कन सुरु हुने कुरा पुष्टि गरेका छन्। रणवीर कपुरको ‘एनिमल’ रिलिज हुँदा निकै चर्चामा आएको थियो। अब प्रशंसकहरू ‘एनिमल पार्क’ मा रणवीरलाई दोहोरो भूमिकामा हेर्न उत्साहित छन्। यो जानकारीले रणवीरका प्रशंसकहरूको उत्साहलाई अझ बढाउनेछ। 

हालै एनटिभी तेलुगुसँगको कुराकानीमा प्रणय रेड्डी वाङ्गाले ‘स्पिरिट’पछि आफू र सन्दीपले ६ महिनाको विश्राम लिने बताएका छन्। त्यस पछि उनीहरू ‘एनिमल पार्क २’ को छायाङ्कन सुरु गर्नेछन्। प्रभास अभिनित ‘स्पिरिट ५ मार्च २०२७ मा प्रदर्शन हुने तय गरिएको छ। तसर्थ, ‘एनिमल पार्क’ को छायाङ्कन सन् २०२७ को उत्तरार्धमा सुरु हुन सक्ने अनुमान गरिएको छ।

‘एनिमल पार्क’ को छायाङ्कन सम्बन्धी यस जानकारीमा प्रशंसकहरूले मिश्रित प्रतिक्रिया जनाएका छन्। रेडिटमा एक प्रयोगकर्ताले लेखे, ‘आरकेले धेरै समय लाग्ने चलचित्रहरूमा काम गर्ने निर्णय गरेका छन् र विक्कीले पनि त्यस्तै गरेका छन्।’ अर्का एक प्रयोगकर्ताले ठट्टा गर्दै टिप्पणी गरे, ‘यसपटक दोस्रो भागको पटकथा चाँही नबिर्सिनुहोला नि।’ यसैबीच, अर्को एउटा टिप्पणीमा भनिएको छ, ‘त्यसो भए यो चलचित्र सायद सन् २०२९ मा रिलिज हुने भयो।’

रणवीर कपुरले यो कुरा पहिले नै खुलासा गरिसकेका छन् कि ‘एनिमल’ को छायाङ्कन भइरहँदा नै सन्दीप रेड्डी वाङ्गाको दिमागमा ‘एनिमल पार्क’ को कथा तयार थियो। उनले बताए अनुसार यो अर्को चलचित्रले ‘एनिमल’ जहाँ टुङ्गिएको थियो, ठीक त्यहीँबाट कथालाई अघि बढाउनेछ। ‘एनिमल पार्क’ मा रणवीर कपुर दोहोरो भूमिकामा देखिनेछन्। यस चलचित्रमार्फत सन्दीप रेड्डी वाङ्गा कथाको द्वन्द्वलाई अझ तीव्र बनाउने लक्ष्य राख्छन्।