एसईईको नतिजा असारको दोस्रो सातामा मात्रै

भक्तपुर । कक्षा–१० को अन्तिम परीक्षाकारुपमा रहेको माध्यमिक शिक्षा परीक्षा अर्थात् एसइई परीक्षाको नतिजा यस वर्ष ढिलो हुने भएको छ ।
परीक्षा नियन्त्रण कार्यालयका परीक्षा नियन्त्रक अम्बिकाप्रसाद रेग्मीले गत वर्ष असार २ गते नतिजा प्रकाशित गरेको कार्यालयले यस वर्ष भने असारको दोस्रो सातामामात्रै नतिजा प्रकाशित गर्ने तयारी गरेको जानकारी दिए ।

नले भने–‘यस वर्ष जिल्ला शिक्षा कार्यालयमा कर्मचारीको अभाव भयो, समयमै जिल्लाबाट परीक्षण सकिएको उत्तर पुस्तिका पनि आएन, केही उत्तर पुस्तिका अझै आउनेक्रम जारी नै छ, कर्मचारीको अभाव र परीक्षा नियन्त्रण कार्यालयमासमेत यस वर्ष नयाँ कर्मचारी भएकाले नतिजा प्रकाशनमा केही ढिला हुन्छ ।’

नतिजा प्रकाशन छिटो गर्ने प्रयास भएपनि पनिकामासमेत यस वर्ष नयाँ कर्मचारी आएका कारण संपरीक्षणलगायतका कार्यमा ढिलाइ हुँदै गएकाले नतिजा ढिलाइ हुने भएको हो । गत चैत ८ गतेबाट सुरु भइ १७ गते परीक्षा सम्पन्न भएको थियो ।