११ फाल्गुन २०८०, शुक्रबार
Follow Us

युरोप क्षेत्रिय उपसंयोजक चित्र सुवेदी लण्डनमा सम्मानित

नेपालब्रिटेन डट कम्
२५ माघ २०७९, बुधबार २२:३३

लण्डन् । गैरआवासीय नेपाली संघ (एनआरएनए) को यूरोप उपसंयोजक चित्र सुवेदीलाई बेलायतमा स्वागत तथा सम्मान गरिएको छ ।

एक साता लामो बेलायत भ्रमणको लागि लण्डन आइपुगेका सुवेदीलाई गैरआवासीय नेपाली संघ यूकेको तर्फबाट अध्यक्ष सुनिल खड्का र संघको केन्द्रीय उपमहासचिव रामशरण सिमखडालेले बुधवार साँझ संयुक्त रुपमा सम्मान गरेका हुन् ।

सुवेदी गैरआवासीय नेपाली संघ बेल्जियमको निवर्तमान अध्यक्ष तथा बेल्यिजयमा सफल व्यापारीको रुपमा चर्चित छन् ।

हवेलि रेष्टुरेन्टमा भएको भेटघाटमा एनआरएनए यूकेका कोषाध्यक्ष विष्णु खरेल, गैरआवासीय नेपाली संघका समाचार संयोजक चिरन शर्माको उपस्थिति थियो । भेटघाटको क्रममा गैरआवासीय नेपाली अभियान र संघको भविष्यका बारेमा चर्चा गरिएको थियो । सुवेदीले गैरआवासीय नेपाली संघको यूरोप सम्मेलनको तयारीको बारेमा जानकारी दिए ।