नेपालब्रिटेन संवाददाता
लण्डन। गैरआवासीय नेपाली संघ यूकेले ११ औं महाधिवेसनको लागि केन्द्रीय प्रतिनिधिको नामावली पठाएको छ ।
संघका अध्यक्ष हितकाजी गुरुङका अनुसार संघले तोकेको समय सिमा विहिवार साँझ भित्र संघले केन्द्रीय प्रतिनिधिहरुको नाम केन्द्रीय सचिवालयमा पठाएको हो ।
गुरुङले ९० र १० प्रतिशत अन्तरर्गत संघका पूर्वपदाधिकारीहरु र नयां अनुहार र समाजका संघसंस्थाकाहरुलाई समेत समेटेर नामावली पठाएको जानकारी दिए ।
संघको ११ औं महाधिवेसनमा एनआरएनए यूकेबाट १५७ जना प्रतिनिधिले माग लिन पाउने छन् ।
एनआरएनए यूकेका महासचिव गोविन्द खरेलले संघको अक्टोवर तेस्रो साता महाधिवेसनमा बेलायतका प्रतिनिधिहरुको सकृय सहभागीता रहने बताए । उनले प्रतिनिधि चयनमा सके सम्म सम्पूर्ण प्रकृया पुरा गरिएको जानकारी दिए ।
