लण्डन । पाकिस्तानले बिहीबार नयाँ सरकार चयन गर्न मतदान गरेको छ। बिहान ८ बजेबाट सुरु भएको मतदान बेलुका ५ बजेसम्म बिनाविराम चलेको थियो । १२ करोडभन्दा बढी मतदाताले मतदान गर्न सकून् भनेर देशव्यापी सार्वजनिक बिदाको घोषणा गरिएको थियो। मतदान सकिएपछि मतगणना सुरु भएको थियो र अनिवार्य एक घण्टाको प्रतिबन्ध सकिएपछि व्यक्तिगत मतदान केन्द्रको नतिजा आउन थालेको थियो ।

इमरान खानको पार्टी पीटीआईले समर्थन गरेका उम्मेदवारहरूले प्रवृतिहरू आउन थालेपछि विजयी भएको दाबी गरेका छन्। उनीहरूले मतदान केन्द्रहरूमा धाँधली र नतिजा जानीजानी रोकिएको आरोप पनि लगाए।

पीटीआई केन्द्रीय सूचना सचिव राउफ हसनले दावी गरेका छन् कि उनको पार्टी कम्तिमा १२५ सीटमा ठूलो मतले अगाडि छ।

‘समयमा हामी केन्द्र र चार प्रदेशमध्ये कम्तीमा दुई प्रदेशमा सरकार बनाउने स्थितिमा हुनेछौं,’ उनले आफ्नो एक्समा भने ।