नेपालब्रिटेन संवाददाता
काठमाडौं । प्रमुख प्रतिपक्षीलगायत प्रतिपक्षी दलले गृह मन्त्री रमेश लेखकले राजीनामा दिनुपर्ने निष्कर्ष निकालेका छन् ।
सङ्घीय संसद् भवन नयाँ बानेश्वरमा बसेको बैठकले ‘भिजिट भिषा’ का सन्दर्भमा देखिएको भनिएको अनियमितताको जिम्मेवार गृह मन्त्री भएको आरोप लगाउँदै राजीनामा दिनुपर्ने माग गरेको हो ।
बैठकमा सहभागी आम जनता पार्टीका अध्यक्ष एवं सांसद प्रभु साहले गृह मन्त्रीले राजीनामा नदिँदासम्म सदनको कारवाही अगाडि बढ्न नसक्ने जिकिर गरेका छन् ।
विपक्षी दलको बैठक चलीरहेको बेला प्रधानमन्त्री के.पी. शर्मा ओली र नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ बीचमा टेलिफोन वार्ता भएको उनले जानकारी दिए ।
