भेनेजुएलामा लगातार दुई शक्तिशाली भूकम्प जाँदा राजधानी काराकासमा भवनहरू भत्किएका छन् र स्थानीय बासिन्दा त्रसित बनेका छन्।
यूएसजीएसका अनुसार पहिलो भूकम्प ७.१ र दोस्रो ७.५ म्याग्निच्युडको थियो, जसले ठूलो संख्यामा मानवीय र भौतिक क्षति हुने सम्भावना देखिएको छ।
भूकम्पपछि मानिसहरू खुला स्थानमा बसेका छन् भने विभिन्न क्षेत्रमा धुलोका मुस्लाहरू उडेको र उद्धार कार्य जारी रहेको छ।
काठमाडौँ — भेनेजुएलामा लगातार दुई शक्तिशाली भूकम्प जाँदा राजधानी काराकासमा भवनहरू भत्किएका छन् भने स्थानीय बासिन्दा त्रसित बनेका छन्।

अमेरिकी भूगर्भ सर्वेक्षण (यूएसजीएस) का अनुसार पहिलो भूकम्प ७.१ म्याग्निच्युडको थियो। यसको केन्द्रबिन्दु देशको क्यारिबियन तटीय क्षेत्रमा पर्ने मोरोन समुदायको पश्चिममा, काराकासबाट करिब १६८ किलोमिटर (१०४ माइल) पश्चिममा रहेको थियो। भूकम्पको गहिराइ २२ किलोमिटर रहेको थियो।

यूएसजीएसले त्यसको एक मिनेटपछि नै अझ शक्तिशाली ७.५ म्याग्निच्युडको अर्को भूकम्प गएको जनाएको छ। दोस्रो भूकम्पको गहिराइ १० किलोमिटर रहेको थियो भने यसको केन्द्रबिन्दु मोरोनबाट १६ किलोमिटर (१० माइल) दक्षिणपश्चिममा रहेको थियो।

‘ठूलो संख्यामा मानवीय क्षति र व्यापक भौतिक क्षति हुने सम्भावना छ, र यो विपद् व्यापक रूपमा फैलिएको हुन सक्छ,’ यूएसजीएस भनेको छ।