काठमाडौँ । तारकेश्वर नगरपालिका-९ शुभकामना चोकमा कारभित्र जलेको अवस्थामा महिलाको शव फेला परेको छ। नक्सालस्थित सानिमा क्यापिटलमा मर्चेन्ट हेडका रूपमा कार्यरत ४५ वर्षीया रश्मी रिजालको शव फेला परेको जिल्ला प्रहरी परिसर काठमाडौँ टेकुले जनाएको छ ।

जिल्ला प्रहरी परिसर काठमाण्डुका एसपी पवन भट्टराईले रश्मीको शव जलेको अवस्थामा भेटिएको बताए । ‘कारको पछाडिको सिटमा जलेको अवस्थामा शव भेटिएको छ’, भट्टराईले भने, ‘घटनाबारे थप अनुसन्धान भइरहेको छ ।’उनका अनुसार मृतकको शव पोष्टमार्टमका लागि त्रिवि शिक्षण अस्पताल महाराजगञ्ज लगिएको छ ।

प्रहरी अनुसार तारकेश्वर नगरपालिका-१ कालेबासे चुनीदेवी बालुवा प्रशोधन केन्द्रमा बिएई ०४१० ईभी कारभित्र पछाडिको सिटमा जलेको अवस्थामा उनको शव फेला परेको हो। उनी शुक्रबार बिहान ७ बजेदेखि हराइएकी थिइन्।