काठमाडौं । स्वास्थ्य तथा जनसंख्या मन्त्रालयले नेपाल प्रवेश गर्ने व्यक्ति अनिवार्य रुपमा कम्तिमा १० दिन क्वारेन्टिनमा बस्नुपर्ने नियम सार्वजनिक गरेको छ ।

नेपाल प्रवेश गरेको वा संक्रमितको सम्पर्कमा आएको दिनदेखि कम्तिमा १० दिन अनिवार्य रुपमा क्वारेन्टिनमा बस्नुपर्ने नियम इन्सिडेन्ट कमाण्ड सिष्टमको बैठकले निर्णय गरेको हो ।

यस्तै, संक्रमण पुष्टि भए पछि संक्रमितलाई कम्तिमा १० दिन अनिवार्य आइसोलेसनमा बस्ने व्यवस्था गर्ने गराउने निर्णय भएको हुँदा सो अनुसार गर्न गराउन सहप्रवक्ता डाक्टर समिरकुमार अधिकारीद्धारा जारी गरिएको सूचनामा उल्लेख गरिएको छ ।