नेपालब्रिटेन संवाददाता
काठमाडौ । नेकपा दाहाल–नेपाल समूहको नेकपा विद्यार्थी संगठन अनेरास्ववियूले संसद् विघटनको विरोधमा जुत्ता हान्ने कार्यक्रम गरेका छन् । सोमबार नारायणहिटी दरबार संग्रहालयअघि ‘प्रतिगमन’को प्रतीक बनाइ अनेरास्ववियूले जुत्ता हान्ने कार्यक्रम आयोजन गरेका हुन् ।
संसद् विघटनलाई प्रतिगमन भएको भन्दै नेकपाको दाहाल–नेपाल समूह आन्दोलित छन् । आन्दोलनकै कार्यक्रम अन्तर्गत आज जुत्ता हान्ने विरोध कार्यक्रम गरेको हो । कार्यक्रममा विद्यार्थीले सरकार र प्रधानमन्त्री विरुद्ध नाराबाजी गरेका छन् ।
