लन्डन । गैरआवासीय नेपाली संघ (एनआरएनए) अमेरिकाको अध्यक्षमा विकास उप्रेती निर्विरोध निर्वाचित भएका छन्।

एनआरएनए अमेरिकाको निर्वाचन समितिका सदस्य–सचिव रविन बज्राचार्यका अनुसार समितिले तोकेको समयसीमा भित्र आइतबारसम्म अध्यक्ष पदका लागि उप्रेती मात्रले उम्मेदवारी दिएपछि उनी निर्विरोध भएका हुन्।

के–के पदमा निर्वाचन?

निर्वाचन समितिका अनुसार बरिष्ठ उपाध्यक्ष, महासचिव लगायतका केही पदमा निर्वाचन हुने भएको छ। बरिष्ठ उपाध्यक्ष पदका लागि नेत्र पाण्डे र प्रेम तामाङबीच प्रतिस्पर्धा हुनेछ।

महासचिव पदमा बलवद्र खडायत र रामचन्द्र पन्तले उम्मेदवारी दिएका छन् भने उपाध्यक्षमा पनि चार जना उम्मेदवार छन् – दिपक सापकोटा, दिवाकर पाण्डे, कुमार तामाङ र थलवीर ओली।

संघको महिला उपाध्यक्ष, युवा उपाध्यक्ष, सचिव, कोषाध्यक्ष, महिला सचिव, महिला संयोजक, महिला निर्देशक लगायतका अधिकांश पदमा एकल उम्मेदवारी परेकाले ती पदहरूमा उम्मेदवार निर्विरोध हुने प्रबल सम्भावना छ। सबै च्याप्तरसहित १२० जनाको उम्मेदवारी परेको निर्वाचन समितिले जनाएको छ ।

उम्मेदवारहरूको सूची